فوق حجمك عطيتك
راسك علامك رافعه يوم أحاكيك ..... الظاهر أني فوق حجمك عطيتك
لحظه نبي نرجع دقيقه لماضيك ..... بذكرك في أي حاله لقيتك
كان الضياع ودمعتين تخاويك ..... منهار وفي عز انهيارك خذيتك
أرخصت عمري لجل أحبك واداريك ..... هدمت قصر الذل فيك وبنيتك
كان الغلا شمعه تنور لياليك ..... لو أظلمت دنياك جيت وحتويتك
ياللأسف كنت أمدحك وأفتخر فيك ..... رفعت من شانك وعليت صيتك
كنت أنت عندي غير ماأقدر أخليك ..... أموت وأحيا أن قلت سم فديتك
واليوم أشوفك خنت حتى مباديك ..... صغرت في عيني وأنا اللي هويتك
الضيف لو أنه عدو معاديتك ..... غصب عليك تقدره وسط بيتك
ياصاحبي بتموت ماني براجيك .....واشره علي أن كان حتى طريتك
لاصار ذل النفس في قلب يغليك ..... يلعنك ياقلب عشقك وشريتك
أضحك حبيبي دام وقتك مسليك ..... بكره تموت من القهر لانسيتك
الرئيسية 
13/07/07, 05:23 pm
